Barcelona ka bërë një hap të madh drejt finales pas fitores së thellë mbrëmjen e sotme (e mërkurë) kundër Liverpoolit.

Gjiganti katalunas ka mposhtur me rezultat tronditës 3 me 0 skuadrën angleze në takimin e parë të zhvilluar si nikoqir në Camp Nou në kuadër të gjysmëfinales së Ligës së Kampionëve, shkruan portali arbresh.info.

Luis Suarez ndëshkoi ish skuadrën e tij në minutën e 25′ duke zhbllokuar shifrat për të shënuar golin e avantazhit për “Blaugranët” pas një super asistimi nga Jordi Alba.

Superylli Lionel Messi dyfishoi shifrat në pjesën e dytë duke shënuar me lehtësi pasi topi i kthyer nga shtylla të cilën e goditi Luis Suarez i erdhi bukur argjentinasit për të realizuar për 2 me 0.

Fituesi i pesëfishtë i Topit të Artë i dha fund shpresave të skuadrës së trajnerit Jurgen Klopp me supergolin nga gjuajtja e lirë në minutën e 82′ për 3 me 0 duke ngritur të gjithë në këmbë.

Liverpooli tani është para një detyre mjaftë të vështirë dhe thuajse të pamundur para takimit kthyes në Anfield Road javën e ardhshme./arbresh.info/